在成為媽媽之前，Anna一直覺得自己「唔叻」，成長過程中經常被比較、被否定，令她對自己失去信心。她說：「我由細到大都唔覺得自己有乜特別。屋企人成日話我唔夠人叻，又冇主見。慢慢我就習慣咗收埋自己，唔敢講嘢，唔敢出頭。」但她萬萬沒想到，人生的轉捩點，竟然是從一個媽媽聚會開始。
媽媽之間，最懂彼此的語言
Anna第一次參加創業媽媽會（BMG）時，只是想搵一個可以傾偈、可以分享育兒經驗的地方。「我冇諗過會改變我一生，真係冇諗過。」在這個平台上，她遇到來自四方八面的媽媽，有人做手作，有人做教育，有人賣產品，也有人同樣面對SEN孩子的挑戰。大家互相支持、分享資源，不只講生意，更多是講親子、講情緒、講日常的掙扎與堅持。
「有時候唔係老公唔好，而係有啲感受，真係只有媽媽先會明。」
這份純粹的理解，讓Anna第一次覺得，自己「唔孤單」。
從參與到領導，我發現自己原來得
慢慢地，Anna不再只是參與者，而是開始嘗試承擔更多責任——主持聚會、安排活動、分享經驗，最後更成為分會主席。「以前我唔識講嘢，唔敢講。要上台，我會心跳加速，甚至想走。但做主席逼住我要試，我就咬緊牙關去做。」她開始學習溝通、組織、帶動氣氛，也開始相信自己可以影響他人。
「原來我都可以領導一個團隊，原來我唔係冇用，只係以前冇人比機會我發揮。」
在這個過程中，Anna重新接觸了那個從前被壓抑的自己——其實她有力量、有想法、有溫暖，只是一直未被看見。
我唔係逃避家庭，我係為咗更好咁返屋企
有些人對媽媽聚會有誤解，覺得係「搵藉口偷懶」。Anna坦言，她都聽過不少這樣的聲音。但她堅定地說：「我參加BMG唔係為咗逃避家務，而係想進步。想做一個更好既我。」
她分享過一個故事：有位媽媽多年沒工作，想重新踏入社會，但因為經驗不足、判斷力下降，做咗唔啱的決定，結果陷入困境。「唔係佢蠢，而係佢離開咗社會太耐。」
這讓Anna更堅定地相信，媽媽需要一個可以成長、可以發聲的空間。因為當媽媽有能力、有自信，就可以用更健康的方式去面對家庭。
「我唔想成日對住仔女鬧，我想有空間呼吸，然後用更溫柔既自己返去陪佢地。」
一個無是非的空間，才能讓媽媽安心做自己
Anna特別珍惜BMG分會的氛圍——沒有人講人是非，大家只談自己遇到的難處，然後一齊搵方法。
「媽媽已經好辛苦，唔需要再有壓力。我地要一個安全、正向、互相鼓勵既社群。」
因此，她與團隊在挑選新成員時非常謹慎。「唔係歧視，而係想守住氣氛。我地唔係純粹做生意，而係建立一個媽媽之間可以互相支援既地方。」
這個堅持，讓她的分會成為很多媽媽心目中「可以放鬆呼吸」的地方。
我唔止係媽媽，我係一個有能力、有價值的人
在BMG的旅程中，Anna一步步走出過去的陰影，重新認識自己。她不再是那個被否定的小女孩，而是一個可以影響他人、可以帶領團隊的女性。
「我唔會再話自己唔得，因為我見到自己做到。我可以帶活動、可以幫人、可以領導、可以發光。」
她知道，媽媽這個身份，不應該是局限，而是一種能力的展現。
每個媽媽都值得被看見
Anna說：「每個媽媽都可以係我老師。每個人都有值得學習既地方。」她希望自己可以成為其他迷失媽媽的那盞燈，告訴她們：「你唔係一個人，你可以行得出嚟，你都可以閃閃發亮。」BMG不是讓她逃開生活，而是讓她學識點樣更好咁生活。不是離開家庭，而是學會怎樣帶更好既自己返屋企。
Anna的故事，未完但已閃光
從原生家庭的傷痕，到育兒的挑戰、義工的付出，再到社群中的成長，Anna的故事告訴我們：媽媽，不是沉沒在角色裡的名字，而是一個仍然擁有選擇、擁有光芒的自己。
