創始人的話
你好，我係 Steven。
我唔係記者，唔係導演，只係一個對生命充滿好奇心嘅人。
創辦《同悅》，係我一個由心而發嘅決定。呢個平台唔止係記錄故事，更係一份「同行與共鳴」嘅希望。
為什麼創立《同悅》？
自從創立《同悅》以嚟，我已經訪問咗超過100位朋友，當中有教授、有資深義工，甚至有創業者。每一位都擁有屬於自己嘅故事，而我深信，每一段經歷，都值得被聽見、被記錄，並傳遞出去。
我記得一位法師講過：「陪伴唔係輔導，而係一場生命嘅相遇。」
呢句說話一直提醒住我，《同悅》唔單止係一個平台，而係一個有溫度嘅空間，畀人感受到被理解、被接納、被支持。
我的背景
我曾喺 DHL 工作，榮獲亞太區全年傑出員工獎。
2014年成為爸爸之後，我全心投入家庭教育推廣，並擔任「好習慣國際研究院」營運總監，舉辦過超過百場工作坊、家長講座，推動品格教育同心理健康。
2024年，我正式創辦《同悅》，一個分享香港人故事嘅平台。透過文字，我希望將一點光，傳到更多人嘅生命裏面。
「每一個人嘅故事，都可以成為他人生命入面嘅一盞燈。」
你可以點支持我？
過去日子，我一直以個人方式推動《同悅》——由訪問、撰文，到網站營運，每一個步驟都係親力親為。
一直以來，大部分訪問我都係無償進行，因為我真心相信，每一位有心人的故事都值得被聽見和記錄。
隨住平台慢慢成長，交通、時間、人手、寫作等各方面開支都不斷增加。為咗讓《同悅》可以長遠行落去，我開始邀請大家用「自由心意」方式支持我——你可按自己能力選擇支持金額，又或者選擇免費參與，我一樣由衷歡迎，同樣感恩。
最重要嘅，始終都係你願意打開心，願意同行，分享屬於你嘅故事 🙏
👉 即刻預約訪問
每一個故事，對我都係一份力量。你嘅支持，不論形式，都會成為《同悅》繼續行落去的重要養分
如果你想了解我點樣一步步走到創辦《同悅》，我早前喺商業電台《有誰共鳴》分享咗我嘅故事和初心，希望你都會有共鳴 🎧
🎧 節目名稱：有誰共鳴《喺我地嘅社區裏面有無數無名英雄》
📅 播出日期：2025年4月7日
🔗 收聽連結：點擊收聽節目重溫
