在這個節奏急促、價值多元的社會裡，有些人用成就證明自己，有些人用財富定義「成功」。而Anna，選擇用「付出」來療癒自己，也重新找到屬於她的富足。她說：「做義工最奇妙既地方，就係你好似係幫緊人，但其實係過程入面，你不斷重新認識自己，做一個更好既自己。」
義工，是比我學懂「什麼叫真正的富有」
Anna第一次參與義工，是中四那年。那時她加入少年警訊，參與過宣導活動、探訪老人院、兒童之家、賣旗等。她說：「嗰種感覺好難形容，係內心覺得自己有用，做緊啲有意義既事。」後來成為媽媽、工作忙碌，她曾中斷一段時間。但只要有機會，她仍然會抽時間去參與。「有次退休警察義工隊搵我話人手唔夠，我即刻請假去幫手。」
她發現，義工帶來的回報，並不是名或利，而是一種內在的滿足感。「有時你幫唔到人解決金錢困難，但你可以比佢一個方向、一句說話、甚至只係聽佢講，就已經好有意義。」
Anna說，這些笑容與感謝，比任何物質都更加持久。「呢啲非物質既回報，會令你重新定義咩叫『富有』。」
每一個義工對象，都是我人生的老師
做義工的過程中，Anna接觸過很多不同背景的人。有些是長者，有些是單親媽媽，有些是失業者。每一個case都打破了她原本對人生的想像。「我以前會覺得，點解有啲人咁唔積極？點解唔努力啲？但當你真係坐低聽佢地講，會發現佢地遇到既困難，唔係一句『加油』就解決到。」這些交流讓她學會謙卑，也讓她的世界變得更大。「我唔再咁容易批判人，反而多咗理解同包容。」
她開始明白，每個人背後都有一段故事，而我們能做的，就是以尊重和同行的心態去陪伴。
懷孕都去派飯，我想比個榜樣我個仔
有一年，Anna懷著第二胎，仍堅持參加派飯行動。她提著飯盒，一層層走上樓梯，探訪獨居長者。「好多朋友都話我癲，咁大肚都唔休息。但我真係覺得，如果我仲行得，仲有力，就應該去幫人。」她說得最動情的一句是：「我想比個榜樣我個仔知道，佢媽媽係一個有心既人。」
在她心中，善良唔係用來講，而係用行動去傳承。她相信，小朋友會從父母的選擇中學會價值觀，而「幫人」就係她最想比孩子看到的生活方式。
義工，讓我重新相信自己係有價值的
Anna坦言，自己由細到大都唔係好有自信，成日被比較、被否定。即使成為媽媽，仍然時常懷疑自己做得夠唔夠好。
但義工讓她發現，
「原來我一個咁普通既人，都可以做到改變。就算係一啲微小既事，都有人因此得益。」
「原來我唔需要咩特殊技能，唔需要有錢、有名，我都可以成為一個有用既人。」
這種「我可以」的感覺，重建了她的自我價值，也讓她感受到被需要的溫暖。
不是一個人做，是一群人一起走
Anna特別珍惜在義工活動中遇到的夥伴。「大家來自唔同背景，但為咗同一個目標，一齊去做，一齊出力，呢種感覺真係好特別。」這種人與人之間真誠的連繫，讓她感受到一種超越個人利益的歸屬感。「我開始意識到自己唔只係一個媽媽、一個人，我屬於一個更大既生命網絡。」
在這個網絡裡，她不再孤單，而是與他人同行，在付出中互相照亮。
做義工，其實係我療癒自己既方式
「我有時都會諗，其實我做義工唔係真係咁偉大，反而係我需要佢。」
Anna說，自己童年缺乏陪伴，對父愛的渴望一直未能填補。在探訪老人家的時候，她特別容易投入情感。「有個102歲既伯伯，每次都記得我，叫我做『女王』。佢過身後，我真係喊咗出嚟，因為佢唔只係受惠者，佢係我朋友，甚至係家人。」
這些經歷，讓她明白，幫人，不只是出一分力，而是真正地建立一段連繫，療癒自己內心的缺口。
