在香港一個舊區單位裡，住著一位經歷百年風雨的婆婆，張桂英。今年她已經102歲，但精神奕奕，眼神清亮，說起話來鏗鏘有力。她曾是義工，也是受助者，曾經風光，也曾落淚。這次訪問，是由「愛德循環運動」慈善機構安排，讓同悅有幸走進這位長者的生命故事。
做人就要開心，唔好成日嬲
我們一踏入屋內，張婆婆便笑著迎接，話語之間總帶著一股樂觀與幽默。「做人咪就係咁，唔嬲人，唔計較，日日都開心過。」她說，自己雖然體力不及後生時候，但她從不怨天尤人。「瞓得著就好，瞓唔著都唔嬲，過咗咁多年，咩都見過。」
她的生活規律得令人羨慕：晚上八點多就上床，早上六點準時起床，七點食早餐，偶爾午睡一會。「唔係話我好叻，只係我唔憂心，咩事都睇開啲。」這種豁達，或許就是她長壽的秘訣。
契仔契女｜無血緣的親情，更動人
說到家庭，張婆婆語氣有點感慨：「我有女、有孫、有曾孫，但好耐冇嚟探我啦。」甚至數年冇聯絡，打電話都罕有。但她話：「啲女唔記得我，我唔怪佢哋，但有時都會心淡。」不過，她並不孤單。她有契仔、契女，甚至契孫女。「我個契仔對我好好，佢幫我請工人，搵奶粉俾我食，帶我飲茶，買生果，樣樣都照顧得好。」契女更是自小由她湊大，「我當佢親女咁教，佢都當我係親媽。」
她分享契女小時候來香港，住在她屋企，學車、搵工都係由她一手安排。「我冇計較，佢就係我個女。」現在契女已經成家立室，偶爾回來探望，關係依然親密。
一生勞碌，無悔付出
張婆婆嘗試過多種工作，從車衣、做熨衫、包裝，到湊朋友、煮飯，「我哋唔係搵好多錢，但夠洗，唔欠人就得。」她說自己從不貪心，也不沾人便宜，「做人最緊要唔貪，唔呃人。」
她曾與丈夫做包工，但賺得不多，「人哋做包工買樓買車，我哋夠食就算。」她認為生命最重要的是良心與責任，「我養大啲女，佢哋唔記得我都冇所謂，我做咗做得好就問心無愧。」
信仰與義工路上的溫暖
張婆婆是一位虔誠基督徒，自四、五十歲起已信主，參與教會活動。「我最記得，一百歲生日，牧師送咗個玉石做成的十字架俾我，仲帶蛋糕嚟茶樓慶祝。」她笑著說，這些回憶比任何金錢都寶貴。她曾在不同機構做義工，包括教會、房屋署、社區中心等，還獲得多個獎狀。「我唔係為攞獎，只係想幫下人。」她的獎狀整齊地疊在一角，是她人生另一種成就。
「我過去探過唔少老人家，自己都無諗過有一日會住老人院。」幾年前因病進過老人院一個月，身體虛弱到差點以為自己走唔到出嚟。「我家中啲嘢送晒出去啦，屋都準備交比房屋署。」但幸運地，她康復出院，重新回到熟悉的家。
義工的陪伴，是生命的光
訪問當日，陪同的還有陳姑娘（社工）與馮姑娘（義工），兩人多年來持續探訪、照顧婆婆。「我唔知點解咁多人探我，可能我唔嬲人囉。」婆婆笑說。
馮姑娘說：「我探咗佢13年，慢慢大家就變咗朋友，甚至似家人。」婆婆點頭表示：「佢哋好有心，我講咩都聽，唔會嫌我煩。」
這份長年累月的陪伴，讓婆婆在晚年不感孤單。義工不是走馬看花，而是真心實意地投入時間和關懷。
活過百年，最深的願望是被記得
說到生日，婆婆笑說：「有啲義工朋友幫我買啲啫喱、買奶粉，我就好感恩啦，不是想要乜，只希望有人記得自己。」
張桂英婆婆的故事，沒有戲劇化的轉折，卻每一段都蘊含真情。她一生勤勞、樂觀、堅強，縱然歷盡人情冷暖，依然選擇以仁厚待人。在現今這個節奏急促、人情漸淡的社會中，婆婆的話語提醒我們：愛與陪伴無關金錢，是一種選擇，也是一份心意。她不求回報，但她值得被記得。
「我唔需要乜，只想有人關心下我，記得我仲喺度。」——張桂英婆婆
